Atyraýda dzıýdodan jastar arasyndaǵy chempıonat ótip jatyr
Jaıyq jaǵasyndaǵy dodaǵa elimizdiń barlyq óńirlerinen kelgen 500-ge jýyq 1999-2001 jyldary týǵan jas sportshylar jınaldy.
Dzıýdodan QR chempıonatyn Atyraý oblysynyń ákimi ashty. Nurlan Noǵaev óz sózinde sportshylarǵa tabys tilep, bıyl Konfederatsııa kýbogyn jeńip alǵan atyraýlyq dzıýdoshylardyń tabysyn atap ótti.
«Memleket basshysynyń tapsyrmasy boıynsha sportty damytýǵa baǵyttalǵan sharalar jasalyp jatyr. Kóptegen jańa nysandar salynyp, úıirmeler, sektsııalar, sport alańdary ashyldy. Alǵa qaraı da jumysty jalǵastyramyz», -dedi aımaq basshysy Nurlan Noǵaev.
Aıta keteıik, chempıonat 5 naýryzǵa deıin jalǵasady. Jarys qorytyndysy boıynsha dzıýdodan Qazaqstan Respýblıkasynyń quramasy jasaqtalady. Bul báseke Jastar jylyna jáne jas qazaqstandyqtar arasynda sportty nasıhattaýǵa arnalǵan.
