Atyraýda djıp bir top adamdy basyp ketti
ATYRAÝ. QazAqparat - Pedalderdi shatastyryp alǵan djıp júrgizýshisi bazarda adamdardy basyp ketti, dep habarlaıdy QazAqparat tilshisi.
Tótenshe jaǵdaı mal bazarynda bolǵan. Bul oqıǵa áleýmettik jeli arqyly málim boldy. Onda qıraǵan «Prado» qara djıpiniń vıdeosy jarııalanǵan. Kýágerlerdiń aıtýynsha, júrgizýshi gaz ben tormozdy shatastyryp, bazardaǵy adamdardy basyp ketken. Eki er adam túrli jaraqatpen oblystyq aýrýhanaǵa tústi.
Atyraý oblystyq polıtsııa departamentiniń baspasóz hatshysy Nazymgúl Qaısaǵalıevanyń aıtýynsha, qazirgi tańda osy jaǵdaıǵa qatysty qylmystyq is boıynsha QR QK 345-babymen sotqa deıingi tergeý jumystary júrip jatyr.
A. Sokolov
