Atyraýda djıp aýdarylyp 4 adam qaza tapty
ATYRAÝ. QazAqparat - Búgin Atyraý oblysynda jol-kólik oqıǵasynan 4 adam qaza taýyp, zardap shekken eki adam aýrýhanaǵa jetkizildi.
«Jol-kólik oqıǵasy Atyraý-Oral jolynyń boıynda bolǵan. Bastapqy nusqa boıynsha «Toıota Lend Krýzer» avtomashınasynyń júrgizýshisi rólge ıe bola almaı joldan shyǵyp ketken. Kólik birneshe ret aýdarylǵan. Oqıǵa ornynda tórt jolaýshy - bir er adam men úsh áıel qaza tapty. Júrgizýshi men taǵy bir jolaýshy túrli deńgeıdegi jaraqatpen aýrýhanaǵa jetkizildi. JKO boıynsha qylmystyq is qozǵaldy. Sot aldy tergeýi júrgizilýde», dep habarlady oblystyq ІІD-niń baspasóz qyzmeti.
