Atyraýda dúkenge «jarylǵysh zat qoıǵan» er adam ustaldy
ATYRAÝ. QazAqparat - Atyraýda dúkenge mına qoıyldy dep jalǵan habar bergen adam anyqtaldy, dep habarlaıdy QazAqparat tilshisi.
Búgin tús qaıta qala ortalyǵyndaǵy turǵyn úı qorshaýǵa alyndy. Jedel qyzmetkerler arnaıy jabdyqtarmen kelip dúkenderdiń birinen jarylǵysh zat izdedi. Kýágerlerdiń aıtýynsha, polıtsııaǵa telefon arqyly dúkenge jarylǵysh zat qoıylǵany týraly habar berilgen.
«Jarylǵysh zat týraly jlǵan aqparat bergen er adam ustaldy. Oǵan qatysty QR QK 273-babyna («Terrorızm aktisi týraly kórineý jalǵan habarlaý») sáıkes sotqa deıingi tergep-tekserý bastaldy. QR Qylmystyq-protsestik kodeksiniń 201-babyna sáıkes, tergeý amaldarynyń múddesine oraı, basqa aqparat qupııa saqtalyp otyr», - dep málimdedi oblystyq ІІD baspasóz qyzmeti.
Foto: newkuban.ru
