Atyraýda dúkender men dárihanalardyń jumys ýaqyty ózgerdi

ATYRAÝ. QazAqparat – Atyraýda dúkender men dárihanalardyń jumys ýaqyty shekteldi, dep habarlaıdy QazAqparat.

«Atyraý oblysynyń bas memlekettik sanıtar dárigeriniń qaýlysyna sáıkes, azyq-túlik dúkenderiniń, atap aıtqanda, shaǵyn marketter, sýpermarketter, gıpermarketter, azyq-túlik jáne azyq-túlik satpaıtyn ashyq aspan astyndaǵy bazarlar saǵat 10:00-den 18:00-ge deıin ǵana jumys isteıdi» dep habarlady óńirlik jedel shtab.

Sondaı-aq, dárihanalardyń ýaqytsha jumys kestesi saǵat 10.00-den 18.00-ge deıin dep belgilengen. Bul rette jaqsartylǵan sanıtarlyq jáne dezınfektsııalyq rejım qatań saqtalýy tıis.

Budan buryn Atyraýda 5-6 shildede jeke kólikpen júrýge tyıym salynǵan bolatyn.