Atyraýda dúken shatyrynan sekirmek bolǵan 11 jasar bala qutqaryldy
ATYRAÝ. QazAqparat –Atyraýda patrýldik polıtseı dúken shatyrynan sekirmek bolǵan balany qutqardy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, keshe, 27 qyrkúıekte saǵat 16:00 shamasynda drama teatry aýmaǵyndaǵy modýldyq bekette kezekshilikte turǵan patrýldik polıtsııa batalony qyzmetiniń ınspektory, polıtsııa kishi leıtenanty Nurbol Saıypqa kezdeısoq ótip bara jatqan adam jasóspirim balanyń ómiri men densaýlyǵyna qaýip tónip turǵanyn habarlaǵan.
Polıtsııa kishi leıtenanty birden oqıǵa ornyna bet alady. Jasóspirim B.Momyshuly kóshesindegi №27 mekenjaıynda ornalasqan kópqabatty úıdiń ekinshi qabatyndaǵy balkonnan tómende ornalasqan dúkenniń shatyryna sekirip túsken. Odan jerge sekirmekshi bolǵan jasóspirimdi toqtatqan Nurbol Saıyp dúkenniń shatyryna kóterilgen.
Keıin belgili bolǵandaı, 11 jasar Dıasty anasy úıde jalǵyz qaldyryp, páterdi syrtynan kilttep ketken. Sol kezde belgisiz bireýler, esikti qatty soqqylap, ashýdy talap etken. Qoryqqan bala balkon arqyly shyqqan» -dep habarlady departamenttiń baspasóz qyzmeti.
Dıastyń dúken shatyrynan sekirýine jol bermeı, jedel áreket etken polıtsııa kishi leıtenanty Nurbol Saıypqa onyń anasy rızashylyqpen alǵys aıtty.
