Atyraýda Dostyq úıiniń qurylysy bastalady
Búgingi kúni óńirde Atyraý oblysynyń QHA-nyń 87 qoǵamdyq kelisim keńesi jumys jasaıdy, onyń ishinde 75 analar keńesi, 1 ǵylymı-saraptamalyq top, jýrnalıster klýby, «Jańǵyrý joly» respýblıkalyq jastar qozǵalysynyń oblystyq shtaby bar. Osy jyly Qazaqstan halqy Assambleıasynyń oblystyq fılıaly 2 myńnan asa is-shara ótkizip, oǵan 210 000-daı adam qatysty.
Memleket Basshysy Qoǵamdyq kelisim keńesteriniń aldyna qoıǵan mindetter týraly aıta kele, Leonıd Prokopenko kezdesýge qatysýshylardyń nazaryn Qazaqstan damýynyń mańyzdy shartyna aýdardy, bul- halyqtyń birligi men kelisimin qamtamasyz etý, onyń birigýi, elimizde barlyq əleýmettik-saıası ekonomıkalyq reformalar júrgizý úshin jaǵdaılar.
«Bıylǵy jyly qarashada Soltústik Qazaqstan oblysynda respýblıkalyq Qoǵamdyq Kelisim keńesin ótkizbekshimiz. Memleket Basshysynyń Bes əleýmettik bastamasyn iske asyrýdy qoǵamdyq baqylaý máselesi talqylanatyn bolady. Bul halyqtyń az qamtylǵan toptaryna salyq júktemesin azaıtýǵa, jataqhanalar qurylysyn salýǵa, bilim berý granttaryn bólý tıimdiligine qatysty»,- dedi Qazaqstan halqy Assambleıasy tóraǵasynyń orynbasary Leonıd Prokopenko.
Nurlan Noǵaev kirispe sózinde qatysýshylarǵa Bes əleýmettik bastamany iske asyrý aıasynda óńirde qandaı jumystar jasalyp jatqanyn əńgimeledi.
«Óńirimizde «7-20-25» baǵdarlamasy boıynsha bastapqy ıpotekalyq turǵyn úı satyp alý mehanızmi tabysty júze asyrýda. Úsh JOO jataqhanamen qamtamasyz etildi, sondaı-aq 1 qyrkúıekte biz D.Nurpeıisova atyndaǵy mýzykalyq kolledj stýdentteri úshin bir jataqhana ashtyq. Qazirgi ýaqytta bir jataqhana salynýda, bıylǵy jyly eki jataqhananyń qurylysy bastalady jáne qalǵan 8 jataqhana úshin jer ýchaskeleri bólindi. Osylaısha 2020 jylǵa qaraı stýdentter úshin jataqhanadan oryn berý máselesi tolyqtaı sheshiletin bolady. 2017 jyly oblysta 222, bıylǵy jyly 247 bilim berý granttary berildi. Bizdiń barlyq jumysymyz Memleket Basshysy qoıǵan mindetterdi sheshýge baǵyttalǵan»,- dedi Nurlan Noǵaev.
Sondaı-aq, kezdesýde jaqyn arada jańa Dostyq úıiniń qurylysy bastalatyny da aıtyldy. Jobalaý-smetalyq qujattama tolyq aıaqtaldy, joba memlekettik saraptamadan ótkizilýde. Jańa Dostyq úıiniń jobasy oblystyń 19 etnomədenı birlestiginiń ókilderimen tańdap alynǵany atap ótildi.
