Atyraýda dombyra aspabyna arnalǵan kitap shyqty
ATYRAÝ. QazAqparat - Atyraýda tarıhı-ólketaný murajaıy qoryndaǵy mýzykalyq aspaptar týraly áńgimeleıtin «Dombyra-Dastan» kitaby jaryq kórdi, dep habarlaıdy QazAqparat tilshisi.
«Dombyra-Dastan» kitaby mýzeı qoryndaǵy 60-tan astam aspapqa jeke-jeke júrgizilgen ǵylymı-zertteý jumystarynyń nátıjesi. Ol 5 taraýdan turady», - dedi Atyraý tarıhı-ólketaný murajaıynyń dırektory Rashıda Harıpova.
«Ańyz» atty birinshi taraý dombyra tarıhyna arnalǵan. Ekinshisi - «Jan serigi qazaqtyń», onda tanymal kúı oryndaýshylardyń, óner qaıratkerleriniń aspaptary jaıly áńgimelenedi. «Alyp sýret - alaman orkestr» atalatyn úshinshi taraýda 500 jáne 1000 adamnan quralǵan belgili orkestrler jaıly aıtylǵan. Úshinshi taraý dombyra jasaý sheberlerine arnalǵan. Bısenǵalı Myrzaǵalıev, Arystanbek Moldashev, soǵys ardageri Іzim Bekmaǵanbetov, Musa Ádiluly, Mázen Shákıev syndy ataqty dombyrashylardyń aspaptary búginde mýzeıdiń biregeı jádigerleriniń birine aınalǵan. Eksponattar qory «Úkili dombyra» birinshi óńirlik baıqaýynan keıin taǵy 8 aspappen tolyqty.
«Dombyra - kúı dastany» atty kitaptyń besinshi taraýynda aqyn-jazýshylardyń shyǵarmalary berilgen.
Kitap oblystyń barlyq kitaphanalaryna jetkiziletin bolady.
