Atyraýda Dınara Sádýaqasovanyń shahmat mektebi ashylady
ATYRAÝ. QazAqparat - Atyraýlyqtarmen kezdesken shahmatshy Dınara Sádýaqasova Qazaqstanda shahmat mektepterin ashýdy qolǵa alatynyn málim etti, dep habarlaıdy QazAqparat tilshisi.
Dınara Atyraý qalasynyń eń úzdik, joǵary sanaty shahmatshylaryna sheberlik sabaǵyn ótkizdi.
Kezdesýge Atyraý oblysynyń ákimdigi men QR Tuńǵysh Prezıdenti - Elbasy qorynyń ókilderi jáne oblystyq jastar saıasaty máseleleri basqarmasynyń ókilderi qatysty.
Kezdesýge kelgenderge Dınara Sádýaqasova «Shahmattyń alǵashqy qadamdary» atty kitabyn syıǵa tartty.
«Qazaqstannyń bolashaǵy - ıntellektýaldy damyǵan, sanaly jastardy qoldaýdan bastalady. Atyraý oblysyndaǵy kezekti kezdesýdiń shahmatty nasıhattaýdyń tabysty joldarynyń biri bolaryna senemin», - deıdi álem chempıony Dınara Sádýaqasova.
Dınara Sádýaqasovanyń Shahmat akademııasynyń fılıaly bıyl ashylady dep josparlanyp otyr. Bul mektep az qamtylǵan otbasylardan shyqqan balalarǵa arnalǵan tegin sabaqtar ótkizedi.
«Biz áriptesterimizben birinshi aımaqtyq shahmat mektebin Atyraý oblysynda ashamyz dep sheshtik. Bul oblys, Eýropadan Qazaqstanǵa jáne Ortalyq Azııaǵa salynǵan jol. Batystyń bıznes astanasynan bastap, shahmat oıynyn elimizdiń basqa túkpirlerine jetkizýge úmittimin!» - dep atap ketti ıÝNISEF-tiń Qazaqstandaǵy izgi nıetti elshisi.
Aıta ketelik, kezdesýdi Dınara Sádýaqasova atyndaǵy Shahmat akademııasy, Tuńǵysh Prezıdent Qory jáne Atyraý qalasynyń ákimdigi uıymdastyrydy.
Abaı AQMURZIEV
