Atyraýda destrýktıvti dinı aǵym ókilinen tapansha, tyıym salynǵan kitaptar tárkilendi
Oblystyq polıtsııa departamenti ekstremızmge qarsy is-qımyl basqarmasynyń qyzmetkerleri jedel-izdestirý is-sharasy kezinde dinı aǵym ókilin ustaǵan.
«Teris aǵym jetegindegi 29 jastaǵy jigittiń turǵylyqty meken-jaıyna tekserý júrgizildi.
Onyń meken-jaıyna tintý júrgizý kezinde 9 mm «MR-79» kalıbrli travmatıkalyq tapansha men 14 dana patron, Qazaqstan Respýblıkasynyń aýmaǵynda taratýǵa tıym salynǵan maǵlumattary bar 5 dana flesh-karta men 17 dana dinı kitap tárkilendi», -dep habarlady departamenttiń baspasóz qyzmeti.
Qazir kúdikti retinde ustalǵan destrýktıvti dinı aǵym ókili QR Qylmystyq-protsestik kodeksiniń 128-babyna sáıkes ýaqytsha ustaý ızolıatoryna qamaldy.
Atyraý qalalyq polıtsııa basqarmasynyń №2 polıtsııa bólimimen kúdiktige qatysty QR Qylmystyq kodeksiniń 287-babynyń 2-bóligimen sotqa deıingi tergep-tekserýdi bastady.
Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.
Eske sala ketelik, buǵan deıin Atyraýda destrýktıvti dinı aǵym ókilinen tapansha tárkilengenin jazǵan edik.
