Atyraýda destrýktıvti dinı aǵym ókilinen tapansha tárkilendi
ATYRAÝ. QazAqparat – Atyraýda destrýktıvti dinı aǵym ókilinen tapansha tárkilendi, dep habarlaıdy QazAqparat.
Oblystyq polıtsııa departamentiniń bastyǵy Nurym Orazbaevtyń aıtýynsha, 31 jastaǵy er adam qarýdy zańsyz saqtap, tasymaldaǵan.
«Polıtsııa departamentiniń qyzmetkerleri «Quqyqtyq tártip» jedel-profılaktıkalyq is-sharasy kezinde destrýktıvti dinı aǵym ókilinen serııa nómiri óshirilgen «OSA» markaly travmatıkalyq tapanshany taýyp, tárkiledi. Qarýǵa saraptama taǵaıyndaldy. Kúdiktiniń buryn sotty bolǵany anyqtaldy» - dedi polıtsııa polkovnıgi Nurhat Orazbaev.
Qazir kúdiktige qatysty QR Qylmystyq kodeksiniń 287-babynyń 2-bóligimen sotqa deıingi tergep-tekserý amaldary bastaldy.
