Atyraýda destrýktıvti dindi ustanýshylar karantın talabyn buzǵan
Oblystyq Polıtsııa departamenti baspasóz qyzmetiniń málimetinshe, Atyraý qalasynyń 2 turǵyny tótenshe jaǵdaı kezinde kúsheıtilgen karantın rejımin buzyp, jeke kólikterimen adam tasymaldaýmen aınalysqan.
«Destrýktıvti dinı aǵymdy ustanýshy eki azamattyń biri buryn tonaý jáne urlyq qylmystary úshin sottalǵan. Olarǵa qatysty QR Ákimshilik quqyqbuzýshylyq týraly kodekstiń 476-babymen hattamalar toltyrylyp, qujattar sotqa joldandy», - dep habarlady departamenttiń baspasóz qyzmetinen.
Atyraýda tótenshe jaǵdaı engizilgennen beri 779 quqyq buzýshy ákimshilik jaýapkershilikke tartylǵan. Olardyń arasynda QR Ákimshilik quqyqbuzýshylyq týraly kodekstiń 478-babyn (Tótenshe jaǵdaı rejımi kezinde polıtsııa qyzmetkerleriniń zańdy talabyn oryndamaý) buzǵan 28 tulǵa bar.
