Atyraýda densaýlyq saqtaý basqarmasy basshysynyń mindetin atqarýshy taǵaıyndaldy

ATYRAÝ. QazAqparat – Atyraý oblystyq densaýlyq saqtaý basqarmasy basshysynyń ýaqytsha mindetin Ashan Baıdýálıev atqaratyn boldy. Bul týraly basqarmanyń baspasóz qyzmeti málim etti, dep habarlaıdy QazAqparat.

Ashan Marhabaıulynyń mamandyǵy – dáriger-ýrolog, medıtsına ǵylymdarynyń kandıdaty.

S.Asfendııarov atyndaǵy Qazaq ulttyq medıtsına ýnıversıtetin bitirgen. Eńbek jolyn atalǵan ýnıversıtettiń ýrologııa jáne jedel nefrologııa kafedrasynda assıstent bolyp bastaǵan. Ár jyldary Almaty oblysyndaǵy Qarasaı aýdandyq emhanasynyń dırektory, Almaty oblystyq densaýlyq saqtaý basqarmasynyń, S.Asfendııarov atyndaǵy Qazaq ulttyq medıtsına ýnıversıteti qosymsha kásibı bilim ortalyǵynyń basshysy qyzmetin atqarǵan.

Sondaı-aq, S.Asfendııarov atyndaǵy Qazaq ulttyq medıtsına ýnıversıteti klınıkalyq jumystar jónindegi departamentiniń dırektory, Shymkent qalalyq densaýlyq saqtaý basqarmasynyń basshysy bolyp jumys istegen.

Osy taǵaıyndaýǵa deıin Atyraý oblystyq densaýlyq saqtaý basqarmasy basshysynyń orynbasary boldy.

Eske sala ketelik, budan buryn oblystyq densaýlyq saqtaý basqarmasynyń basshysy qyzmetinen ketkenin habarlap edik.