Atyraýda demeýshiler úsh otbasyǵa páter syılady

ATYRAÝ. QazAqparat – Atyraýda demeýshiler «30 ıgi is» qaıyrymdylyq marafony aıasynda úsh otbasyǵa páter syılady, dep habarlaıdy QazAqparat.

Budan buryn Atyraýda el táýelsizdiginiń 30 jyldyǵyna oraı «30 ıgi is» qaıyrymdylyq marafony bastalǵanyn habarlaǵan edik.

Konstıtýtsııa kúni qarsańynda «Qurman grýpp» kompanııasynyń basshysy Aqarys Álimov Nur Otan partııasy óńirlik fılıalynyń usynysyna oraı Asqar Qaraqulovqa 2 bólmeli páterdi syıǵa tartty. Jańa páter ıesi ІІ top múgedegi, qazir Atyraý qalasynda turady.

Sondaı-aq, atalǵan joba aıasynda «BASTAU CONTRUCTION» kompanııasynyń basshysy Ibrahım Alıkov baspanaǵa muqtaj eki otbasyǵa baspana kiltin tapsyrdy. Jańa páterler «Samal» shaǵyn aýdanynda boı kótergen «Samal Town» turǵyn úı kesheninen berilip otyr.