Atyraýda demalys kúnderi bazarlar, dámhanalar, saýnalar jumys istemeıdi
Atyraý oblysynyń bas memlekettik sanıtar dárigeri Mádenıet Tanaýovtyń jańa qaýlysymen senbi men jeksenbide jumys istemeıtin birneshe nysan belgili boldy.
Onyń ishinde azyq-túlik satatyn jabyq jáne azyq-túliktik emes jabyq jáne ashyq bazarlar, «Ashyq» jobasyna qatysatynyna qaramastan saýda úıleri men saýda-oıyn saýyq ortalyqtary, sulýlyq salondary, shashtarazdar, kosmetologııalyq qyzmet kórsetetin nysandar, sport keshenderi, fıtnes ortalyqtar, ıoga ortalyqtary, sporttyq-saýyqtyrý, sport jáne jattyǵý zaldary bar. Bulardyń qataryna saýnalar, SPA ortalyqtary men basseınder de kiredi.
«Qoǵamdyq tamaqtaný obektilerine, fýdkorttarǵa, sonyń ishinde jazǵy alańqaılarǵa saǵat 07.00-den 17.00-ge deıin, «Ashyq» jobasyna qatysatyn obektiler úshin 20.00-ge deıin (ujymdyq is-sharalar ótkizbeı, 30-dan aspaıtyn otyratyn oryn ornatyp, ústelder arasyndaǵy qashyqtyq keminde 2 metr saqtalýyn, bir ústelde 4 adamnan artyq otyrǵyzbaýdy qamtamasyz etip) jumys jasaýǵa ruqsat etiledi, senbi jáne jeksenbi kúnderi jumys isteýge tyıym salynady» -delingen qaýlyda.
Al, azyq-túlik satatyn ashyq bazarlarǵa jumys kúnderi jáne senbide saǵat 09:00-den 19:00-ge deıin jumys isteýge rusat berilgen. Tek jeksenbide jumys isteýine tyıym salynǵan.
Jańa qaýly 17 shildede kúshine enedi.
Eske sala ketelik, buǵan deıin Atyraýda birneshe nysannyń jumysy toqtatylatynyn jazǵan edik.
