Atyraýda demalys bazasyndaǵy úılený toıy dronmen anyqtaldy
ATYRAÝ. QazAqparat – Atyraýda demalys bazasyndaǵy úılený toıy dronmen anyqtaldy, dep habarlaıdy QazAqparat.
Atyraý qalasy ákimdiginiń baspasóz qyzmetiniń aqparatyna qaraǵanda, karantın kezinde demalys bazasynyń birinde úılený toıy ótken.
Monıtorıng toby 8 tamyzda Bereke aýylyndaǵy demalys bazasynyń birinde ótkizilgen úılený toıyn dron arqyly anyqtady.
Áýeden túsirilgen vıdeoda demylys bazasynyń aýmaǵynda kóp kóliktiń turǵany baıqaldy.
Top músheleri demalys bazasyna barǵanda 90-ǵa jýyq qonaqtyń qatysýymen úılený toıy ótip jatqanyn tirkedi.
«Demalys bazasynyń ákimshisi karantın shekteýine qaramastan saltanatty is-shara ótetin nysandy jalǵa bergenin moıyndady» -dep habarlady ákimdiktiń baspasóz qyzmeti.
Eske sala ketelik, budan buryn Atyraýda meıramhanadaǵy úılený toıy tarqatylǵan bolatyn.
