Atyraýda dástúrli sadaq atýdan «Altyn Orda» halyqaralyq týrnıri aıaqtaldy
Sadaqshylar 30 metrden 70 metrge deıingi qashyqtyqqa arnalǵan Pýta, Orta Azııa, Jamby nysana túrleri boıynsha mergendik sheberlikterin synasty.
Atyraý oblysy ákiminiń orynbasary Jasulan Bısembıev pen QR Ulttyq sport qaýymdastyǵynyń vıtse-prezıdenti-Bas hatshysy Tastanbek Esentaev atalǵan sharaǵa arnaıy qatysyp, jeńimpazdardy marapattady.
«11 memlekettiń basyn qosyp, saıysta keremet óner kórsetken sadaqshylar men meımandar Atyraý óńirine qosh keldińizder! Tarıhı dástúrdiń jandanýyna birden-bir septigin tıgizip jatqan sadaq atýdan «Altyn Orda» halyqaralyq týrnıriniń bizdiń óńirde ótip jatqanyn maqtanyshpen aıta alamyz. Osy oraıda, saıystyń ótýine uıtqy bolǵan «Batu Han zhebesi» Atyraý oblystyq federatsııasynyń basshysy Beksultan Maratqa Atyraý oblysy ákiminiń Alǵys haty tabystalady. Mádenıet pen dástúr, ulttyq dástúrimizdiń jandanýyna arnalǵan aýqymdy sharalar áli de óz jalǵasyn tabady», - dedi oblys ákiminiń orynbasary J.Bısembıev.
Al, QR Ulttyq sport qaýymdastyǵynyń vıtse-prezıdenti-Bas hatshysy Tastanbek Esentaev jarystyń mańyzdylyǵyna toqtaldy.
«Dana halqymyzdyń qasıetti tilinde «mergen» deıtin sóz bar. Jaýgershilik zamanda sadaq atý men mergendik óner eldiń tutastyǵy men bekemdigi úshin baǵa jetpes qundylyq bolyp sanalǵan. Al, búginde sadaq atý ónermen qosa – úlken sport.
Ózderińizge belgili, dástúrli sadaq atý sporty elimizde ulttyq sport túrine jatady. Al, ulttyq sportymyzdyń damýy men durys nasıhatyn Memleket basshysy Qasym-Jomart Toqaev óziniń erekshe baqylaýynda ekenin birneshe ret aıtyp, ulttyq sportty damytý Kontseptsııasyn ázirleýdi, ulttyq sportymyzdy Olımpıadalyq sport túrlerimen deńgeıles etip kóterý kerektigin jáne kelesi jyly elimizde ótetin V Kóshpendiler oıyndaryn óte joǵary deńgeıde ótkizýge tapsyrma bergen bolatyn. Búgingi tańda biz osy baǵytta júıeli jumystar júrgizip jatyrmyz. Osynaý jarysqa alys-jaqyn shetelderden kóptegen sportshylar keldi. Bul týrnırdiń qanshalyqty joǵary deńgeıde ótkendiginiń kórsetkishi dep sanaımyn» dedi Tastanbek Qutjanuly.
Týrnır qorytyndysyna sáıkes, erler arasynan Pýta nysana túrinen (70 metr) І oryn Yntymaq Murádiluly (Qyrǵyzstan), ІІ oryn Beksultan Marat (Qazaqstan, Atyraý), ІІІ oryn Baqyt Toqtomatov (Qyrǵyzstan). Áıelder arasynan (60 metr) І oryn Dınara Jaqsylyqova (Qazaqstan, Astana), ІІ oryn ıAmbııdonchır Baıartsetseg (Mońǵolııa), ІІІ oryn Alııa Ishmýratova (Reseı).
Erler arasynan Ortalyq Azııa nysana túrinen (40 metr) І oryn Akkaııa Haıatı (Túrkııa), ІІ oryn Baqyt Toqtomatov (Qyrǵyzstan), ІІІ oryn Rýstam Nogoıbaev (Qyrǵyzstan). Áıelder arasynan І oryn Alııa Ishmýratova (Reseı), ІІ oryn Farıza Sabyrjan (Qazaqstan, Astana), ІІІ oryn Dınara Jaqsylyqova (Qazaqstan, Astana).
Erler arasynan Jamby nysana túrinen (30 metr) І oryn Samal Zýlpyharov (Qazaqstan, Mańǵystaý), ІІ oryn Maqsat Ábdikerimov (Qazaqstan, Shymkent), ІІІ oryn Erbol Tapenov (Qazaqstan, Astana). Áıelder arasynan І oryn Norsıanı Bıntı Mohd Hop (Malaızııa) ІІ oryn Jazıra Kýzekbaı (Qazaqstan, Astana), ІІІ oryn Tsarıtsa Anjela (Qazaqstan, Astana) ıelenip, medeldar men dıplomdar jáne aqshalaı syıaqylarmen marapattaldy.
Aıta keteıik, dúbirli dodada 11 memleketten sonyń ishinde Qazaqstannan 150-ge jýyq mergen baq synady. Týrnırdiń uıymdastyrýshysy – QR Ulttyq sport qaýymdastyǵy, QR Sadaq atý federatsııasy jáne «Batu Han zhebesi» oblystyq dástúrli sadaq atý federatsııasy. Al, týrnırdiń Bas seriktesi – «Samuryq Qazyna» AQ, al, seriktesi «Sportqory» sportty qoldaý qory boldy.
