Atyraýda daryndy balalar úshin sport mektep-ınternaty salynady
ATYRAÝ. QazAqparat - Atyraýda daryndy balalar úshin sport mektep-ınternaty salynady, dep habarlaıdy QazAqparat tilshisi.
Qazaqstan Ulttyq Olımpıada komıteti sport dırektsııasynyń dırektory Elsııar Qanaǵatov Atyraý oblysyna arnaıy is-saparmen keldi.
Dırektsııa basshysy oblystaǵy sporttyq nysandary aralap, sporttyń damý barysymen tanysty. Sondaı-aq, H. Dosmuhamedov atyndaǵy Atyraý memlekettik ýnıversıtettiń májilis zalynda baspasóz máslıhaty ótip, buqaralyq sportty damytýǵa arnalǵan UOK-niń jańa jumys formaty túsindirildi. Jıynǵa sport qyzmetkerleri jáne olımpıadalyq sport túrlerinen oblystyq federatsııa basshylary men ókilderi qatysty.
Atyraý oblysy dene shynyqtyrý jáne sport basqarmasynyń basshysy Azamat Beket oblysymyzdaǵy olımpıadalyq sport túrleriniń damý týraly esep berdi. Sport túrlerin saralaý boıynsha ótken jıynda búgingi kúngi basty máseleler qozǵalyp, dırektsııa basshysyna usynystar aıtyldy.
Búgingi kúnderi Atyraý oblysy boıynsha sport salasynda kóptegen aıtýly jobalar qolǵa alynyp, júzege asyrylýda. Sonyń biri, sporttaǵy daryndy balalarǵa arnalǵan mektep-ınternatynyń qurylysyn salý bolyp tabylady. Munymen qosa, 44 sporttyq nysannyń jobalaý-smetalyq qujattamalary daıyndalýda.
Jalpy Atyraý oblysy boıynsha 22 jazǵy olımpıadalyq sport túrleri saralaýdan ótti: «A» tobynda - 11, «V» tobynda - 9, «S» tobynda-2.
Sondaı-aq, Isataı men Mahambet aýdandarynda qazirgi ýaqytta jańa sport mektepteriniń qurylysy qarqyndy túrde júrýde. Elsııar Baımuhameduly aýdandardy aralaý barysynda óziniń oń baǵasyn berdi.
