Atyraýda dárihanany tonap ketti

ATYRAÝ. QazAqparat – Atyraýda polıtseıler dárihanany tonaǵan uryny ustady, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetine qaraǵanda, dárihanany tonaý maýsymnyń 17-nen 18-ne qaraǵan túnde bolǵan.

«Atyraý qalasyndaǵy Azattyq dańǵyly boıynda ornalasqan dárihanalardyń biriniń terezesin yǵystyrý arqyly kirip, ASER noýtbýkty, dári-dárimekterdi qoldy etken azamat anyqtaldy. Kúdikti buryn birneshe ret urlyq qylmysymen sottalǵan. Qazir 1984 jylǵy kúdikti ustalyp, sotpen oǵan qatysty «kúzetpen ustaý» túrindegi bultartpaý sharasy sanktsııalandy», dep habarlady departamenttiń baspasóz qyzmeti.

Sotqa deıingi tergep-tekserý QR Qylmystyq Kodeksiniń 188-babynyń 3-bóligimen (Úı-jaıǵa zańsyz kirýimen jasalǵan urlyq) júrgizilýde.

Eske sala ketelik, budan buryn sýǵa batqan jigitti aman alyp qalǵan polıtseı týraly jazǵanbyz.