Atyraýda dárigerlerge ústemeaqy úshin 959 mln teńgeden astam qarjy bólindi
«Qazir «Áleýmettik medıtsınalyq saqtandyrý qory» kommertsııalyq emes aktsıonerlik qoǵamymen Atyraý oblysyna koronavırýs ınfektsııasymen kúres júrgizetin medıtsına uıymdarynyń qyzmetkerlerine jalaqyǵa qosymsha ústemeaqy tóleýge 959 mıllıon 997 myń teńge bólindi. Al, 9 sáýirden bastap qordyń Atyraý oblysy boıynsha fılıalymen medıtsına uıymdaryna aldyn ala tólem júrgizildi. Onyń ishinde oblystyq jedel járdem stantsııasyna 20 mıllıon teńge, oblystyq jáne aýdandyq aýrýhanalarǵa 268 mıllıon teńge aýdaryldy. Medıtsına uıymdarynyń qyzmetkerleri tıisti ústemeaqylaryn aldy. Áleýmettik medıtsınalyq saqtandyrý qory jaǵdaıǵa únemi jan-jaqty taldaý jasap otyr. Medıtsınalyq uıymdardy qarjylandyrý toqtatylmaıdy. Bul tıisti keste boıynsha júrgizile beredi» -deıdi «Áleýmettik medıtsınalyq saqtandyrý qory» Atyraý oblysy boıynsha fılıalynyń dırektory Sábıt Quralbek.
