Atyraýda «Dárigerlerge myń alǵys» aktsııasy bastaldy

ATYRAÝ. QazAqparat – Atyraý oblysynda «Dárigerlerge myń alǵys» aktsııasy bastaldy, dep habarlaıdy QazAqparat.

«Jas Otan» jastar qanaty Atyraý oblystyq fılıalynyń tóraǵasy Rınat Ǵılajevtyń aıtýynsha, aktsııanyń maqsaty – 4 aıǵa jýyq ýaqyttan beri qaýipti indetpen kúresip júrgen dárigerlerge alǵys aıtý.

Qaıyrymdylyq sharasy aıasynda eriktiler 500-den astam densaýlyq sebetin daıyndaǵan. Atalǵan kómek aýdandarǵa da jetkiziledi. Búgin eriktiler 100 dárigerge alǵys sebetin tapsyrdy. Sebetke ımmýnıtetti nyǵaıtýǵa arnalǵan ónimder salynǵan.

«Jahandy sharpyǵan COVID-19 indeti eshkimdi beıjaı qaldyrǵan joq. Ásirese, aldyńǵy shepte qyzmet etip júrgen aq halatty jandarǵa ońaı emes. Olarǵa rızashylyǵymyzdy bildiremiz. Sonyń dáleli retinde búgin azyq-túlik salynǵan sebetti usyndyq», - deıdi «Jas Otan» jastar qanaty Atyraý oblystyq fılıalynyń tóraǵasy Rınat Ǵılajev.

Eske sala ketelik, buǵan deıin atyraýlyq notarıýstar aýrýhanaǵa ottegi kontsentratoryn syılaǵan edi.