Atyraýda dári-dármek baǵasy qatań baqylanady
ATYRAÝ. QazAqparat – Atyraýda dári-dármek baǵasy qatań baqylanady, dep habarlaıdy QazAqparat.
Oblys ákimi Mahambet Dosmuhambetovtiń málim etýinshe, Atyraý oblysynyń ákimdigi «FarmQaýymdastyq» qoǵamdyq birlestigimen jáne Atyraý oblysy boıynsha taýarlar men kórsetiletin qyzmetterdiń sapasy men qaýipsizdigin baqylaý departamentimen memorandýmǵa qol qoıǵan.
«Mundaǵy maqsat – dárilerdiń baǵasyn baqylaýda ustap, ár adamǵa tıesili kólemin ǵana satý. Osyndaı baqylaý nátıjesinde «Verdant» dep atalatyn kosmetologııalyq kabınettiń zańsyzdyǵy áshkerelenip otyr. Atalǵan keńse lıtsenzııasyz, elimizde tirkelmegen farmatsevtıkalyq ónimderdiń júzden astam túrin satyp kelgen», - dedi oblys ákimi Mahambet Dosmuhambetov aıtty.
Onyń aıtýynsha, qazir oblysta birneshe baqylaýshy organnan quralǵan mobıldi toptar reıd júrgizedi. Olar dári-dármektiń baǵasynyń shekti mólsherden aspaýyn qadaǵalaıdy. Dári-dármek baǵasyn shekti mólsherden asyrǵandar zań sheberinde jaýapqa tartylady. Baǵany zańsyz kóteretinderdi anyqtaý jumystary jalǵasady.
