Atyraýda dámhana túgi qalmaı janyp ketti

ATYRAÝ. QazAqparat –Atyraý qalasynda «Shashlychok» jazǵy dámhanasy túgin qalmaı janyp ketti, dep habarlaıdy QazAqparat.

Oblystyq Tótenshe jaǵdaılar departamenti baspasóz qyzmetiniń málimetinshe, órt 10 shildede saǵat 17:01-de bolǵan.

«Jarbosynov kóshesiniń №83 mekenjaıynda ornalasqan jazǵy dámhananyń jalpy aýdany 120 sharshy metrdi quraıdy. Órt saldarynan jazǵy dámhana tolyqtaı janyp ketti. Dámhana aýlasynda turǵan 144 sharshy mertlik úıdiń kireberis bólmesiniń esigi men terezesiniń syrtqy qaptamasy, sondaı-aq, 1992 jyly shyqqan Zıl-MMZ-4502 markaly avtokóligi de otqa orandy. Sondaı-aq, taǵy bir úı men 40 sharshy metrlik garajdyń tóbe jabyndysy búlindi», -dep habarlady departamenttiń baspasóz qyzmeti.

Órt saldarynan 1953 jyly týǵan áıeldiń eki aıaǵyn, ıyǵyn kúıik shalǵan. Ol 15-20 paıyzdyq kúıikpen aýrýhananyń neırohırýrgııa bólimine jatqyzylǵan. Al, eki qolynan kúıik alǵan 1997 jylǵy azamat dárigerlik kómek kórsetilgennen keıin úıine jiberilgen.

Arnaýly qyzmettiń 25 qyzmetkeri men 5 tehnıkasy órtti sóndirýge jumyldyryldy. Jalyn saǵat 18:40 –ta tolyqtaı sóndirildi.

Eske sala ketelik, budan buryn Atyraýda órtengen páterden 57 jastaǵy múgedek azamat qutqarylǵan edi.