Atyraýda dámhana ıesin soqqyǵa jyqqan polıtsııa qyzmetkerleri jumystan bosatyldy
ATYRAÝ. QazAqparat - Atyraý oblysynyń Polıtsııa departamentiniń ókilderi áleýmetik jelide taraǵan vıdeoǵa qatysty túsinikteme berdi.
Vıdeoda 2 adam, shamamen polıtsııa qyzmetkerleri jıhazdardy talqandap, adamdy soqqyǵa jyǵyp jatyr, dep habarlaıdy «QazAqparat» HAA tilshisi.
Departamenttiń baspasóz qyzmetiniń habarlaýynsha, beınetúsirilimde rasynda da polıtsııa qyzmetkerleri beınelengen. Alaıda olar qazir polıtsııa qatarynda emes.
Oqıǵa Qurmanǵazy aýdanynyń Qurmanǵazy aýylynda bolǵan. Polıtsııanyń maıor shenindegi 2 qyzmetkeri «Sýshnıak» atty dámhanada otyrǵan. Dámhana ıesi olardan ishken-jegenderi úshin aqysyn talap etip kelgende janjal týyndaǵan. Oqıǵa polıtsııa qyzmetkerleriniń jıhazdardy talqandap, dámhana ıesin soqqyǵa jyǵýmen aıaqtalǵan. Al damhanadaǵy tutynylǵan taǵamnyń aqysy sol boıy tólenbegen. Osy oqıǵa túgelimen vıdeoǵa túsirilgen.
«Atalǵan fakti boıynsha, polıtsııa departamentiniń ishki qaýipsizdik qyzmeti tekserý júrgizip, qylmystyq is qozǵaldy. Іs qaraý úshin Qurmanǵazy aýdandyq sotyna jiberildi. Sonymen qatar arnaıy tekerý sharalary da júrgizildi. Kániláler qatań tártiptik jaýapqa tartylyp, ishki ister organdarynan shyǵaryldy»,-dep habarlady Atyraý oblystyq pollıtsııa departamentiniń baspasóz qyzmeti.
