Atyraýda «Coworking» jáne IT-synyptary ashyldy

ATYRAÝ. QazAqparat - Atyraýda «Nur Otan» partııasynyń jańa jobasy aıasynda búgin Kaspıı óńiriniń qazirgi zamanǵy joǵary kolledji bazasynda 6 kovorkıng aımaǵy iske qosyldy, dep habarlaıdy QazAqparat tilshisi.

«Nur Otan» partııasy oblystyq fılıalynyń baspasóz hatshysy Elmıra Tuńǵatarovanyń aıtýynsha, atalmysh partııanyń bastamasymen kitaphanalardy zamanaýı bilim ortalyq¬tary retinde qaıta quryp, olardyń ju¬mysyn jandandyrý isi qolǵa alyn¬dy. Kovorkıng ortalyǵynda jastar kúndelikti sabaqtaryna, emtıhandaryna daıyndalyp, pikir almasa alady. Boı sergitip, sportpen shuǵyldaný orny da qarastyrylǵan.

Aıta ketý kerek, osy ispettes kovorkıng ortalyǵy osyǵan deıin Ǵabdol Slanov atyndaǵy oblystyq ámbebap kitaphanasy bazasynda ashylǵan bolatyn.

Kolledj kitaphanasyna kelýshilerge zamanaýı baǵytta qyzmet kórsetetin ortalyqtyń ashylý saltanatyna oblys ákimi, «Nur Otan» partııasy Atyraý oblystyq fılıalynyń tóraǵasy Nurlan Noǵaev qatysty.

Sondaı-aq bul kúni «Nur Otan» partııasy Atyraý oblystyq fılıalynyń bastamasymen № 13 D. Baıbosynov atyndaǵy ulttyq gımnazııasy bazasynda balalarǵa arnalǵan IT-synyp ashyldy.

«IT-synypta oqýshylar qarapaıym algorıtmderdi qurýǵa, eýropalyq bilim berý standarttaryna sáıkes baǵdarlamalardy ıgerýge múmkindik alady»,-deıdi ulttyq gımnazııa dırektory Janargúl Atchıbaeva.

Aıta ketý kerek, «Tsıfrlyq Qazaqstan» memlekettik baǵdarlamasyn júzege asyrý maqsatynda qolǵa alynǵan joba aıasynda Atyraý oblysynda bıyl 10 ІT-synyp ashý josparlanǵan. Bul mektepterde 2018 jyly 700, 2019 jyly 1500, 2020 2000 bala oqytylatyn bolady.