21:15, 13 Naýryz 2020 | GMT +6
Atyraýda COVID-19 indetiniń aldyn alý jumystary kúsheıtildi
ATYRAÝ. QazAqparat –Atyraýda COVID-19 indetiniń aldyn alý jumystary kúsheıtildi, dep habarlaıdy QazAqparat.
Koronavırýs ınfektsııasynyń taralý qaýpiniń aldyn alý úshin Atyraý oblysyndaǵy medıtsınalyq uıymdar epıdemııaǵa qarsy jáne profılaktıkalyq sharalardy júzege asyrýǵa tolyqtaı daıyn.
Bul týraly búgin Atyraý oblystyq densaýlyq saqtaý basqarmasynyń basshysy Baıtolla Ǵazızov málim etti.
«Qazir Atyraý oblysynda koronavırýs juqtyrý deregi joq. Degenmen, koronavırýs juqpasy tirkelgen jaǵdaıda oblystaǵy medıtsınalyq mekemeler tıisti sharalar qoldanýǵa daıyn. Oblystaǵy dárihanalar men aýrýhanalar medıtsınalyq qural-jabdyqtarmen qamtamasyz etildi. Buǵa qosa, 12 IVL apparaty men 100 oryndyq oqshaýlanǵan ǵımarat jasaqtaldy» - dedi Baıtolla Ǵazızov.
