Atyraýda bıýdjettiń 194,2 mln teńge qarjysyn jymqyrdy degen kúdiktiler aqtaldy
Atyraýdaǵy №2 qalalyq sotta qyzmettik babyn paıdalanyp, senip tapsyrylǵan bótenniń múlkin, asa iri mólsherde ıemdendi degen aıyppen JShS-niń dırektory, ári quryltaıshysy K.-ǵa, memlekettik fýnktsııalardy oryndaýǵa ýákiletti laýazymdy adam bola tura, qyzmet babyn paıdalanyp, senip tapsyrylǵan bóten múlikti talan-tarajǵa saldy degen aıyppen Atyraý oblysy bilim basqarmasy basshysy orynbasarynyń mindetin atqarýshy H-ǵa qatysty qylmystyq is qaraldy. Olarǵa QR Qylmystyq kodeksiniń 189-babynyń 4-bóligi, 2) tarmaǵymen aıyp taǵylǵan.
«K. JShS-niń dırektory, ári quryltaıshysy bola tura, 2020 jyly koronavırýs indetine baılanysty tótenshe jaǵdaı jarııalanyp, karantındik shekteýler engizilip, qashyqtan oqý formatyna aýysý kezinde qyzmet babyn paıdalanyp, tehnıkalyq erekshelikterge sáıkes kelmeıtin planshetter men noýtbýgtardy ótkizip, bóten múlikti asa iri mólsherde ıemdengen. Al, H. 2020 jyly óziniń qyzmettik babyn paıdalanyp, oqýshylarǵa bólingen tehnıkalyq erekshelikterge sáıkes kelmeıtin planshet pen noýtbýkterdi qabyldap, bólingen qarajatty memlekettik satyp alý sharty negizinde talan-tarajyǵa salyp, memleketke asa iri mólsherde materıaldyq shyǵyn keltirgen. Shyǵyn mólsheri – 194 mln 205 myń 522 teńge», -dep habarlady №2 qalalyq sottyń baspasóz qyzmeti.
Qylmystyq iske baılanysty prokýrordyń talaby – sottalýshy H. men K-ny 7 jylǵa bas bostandyǵynan aıyrý jazasyn taǵaıyndaý. Al, jábirlenýshiniń ókili sottalýshylar kináli dep tanyǵan jaǵdaıda keltirilgen múliktik zalaldy óndirýdi ótindi. Sottalýshylar men qorǵaýshylar taǵylǵan aıyppen kelispeı, aqtaý úkimin shyǵarýdy surady.
«Sottalýshylarǵa aıyp taǵýǵa Atyraý oblysy boıynsha ekonomıkalyq tergep-tekserý departamentiniń krımınalıstıkalyq bóliminiń basshysymen jasalǵan qorytyndy, «L» JShS-niń júıe ınjenerimen jasalǵan tehnıkalyq sharttarǵa sáıkestigin tekserý aktisi, «R» JShS-niń dırektorynyń orynbasarymen jasalǵan qorytyndy negiz bolǵan. Alaıda tergep-tekserý kezinde júrgizilgen tergeý eksperımenti barysynda qorytyndylardyń qate jasalǵany anyqtalyp, óz dálelin tappaǵan. Aıyptaý tarapynan sottalýshylardyń kinásin dáleldeıtin basqa dáleldemeler keltirilmegen. Osylaısha, sot otyrysynda sottalýshylardyń qyzmettik babyn paıdalanyp, senip tapsyrylǵan bóten múlikti asa iri mólsherde ıemdený jáne talan-tarajǵa salý faktisi óz dálelin tappady», -dep málim etti sottyń baspasóz qyzmetinen.
Sot QR Qylmystyq-potsestik kodeksiniń 35-babynyń 1-bólimi, 2) tarmaǵyna sáıkes, Qylmystyq kodeksiniń 189-babynyń 4-bóligi 2) tarmaǵymen aıyptalǵan H.-nyń jáne K.-nyń is-áreketterinde qylmystyq quqyq buzýshylyqtyń quramy bolmaýyna baılanysty taǵylǵan aıyptan aqtalýǵa tıis degen tujyrymǵa keldi. Sot sottalýshylarlardyń, qylmystyq is júrgizýshi organnyń zańsyz is-áreketterimen keltirilgen zııandy zańsyz qylmystyq qýdalaý úshin ótettirý quqyǵyn tanydy.
Sonymen qatar, sot Atyraý oblystyq prokýratýrasyna jeke qaýly shyǵardy. Osy is boıynsha tergep-tekserý barysynda jiberilgen zań buzýshylyqtarǵa Atyraý oblysy prokýrorynyń nazaryn aýdaryp, bolashaqta boldyrmaý jóninde tıisti sharalar qabyldaý qajettiligine aýdardy.
Sot úkimi jáne jeke qaýly zańdy kúshine engen joq.
Eske sala ketelik, budan buryn jemqorlyq babymen sottalǵan Atyraý oblysy ákimi birinshi orynbasarynyń úkimi ózgerissiz qalǵanyn jazǵan edik.