Atyraýda bıýdjet qarjysyn jymqyrǵan kásipker shartty jazaǵa kesildi
ATYRAÝ. QazAqparat - Atyraýda 1,8 mln teńge kólemindegi bıýdjet qarajatyn jymqyrǵan fermer 5 jylǵa shartty túrde sottaldy, dep habarlaıdy QazAqparat tilshisi.
«Ótken jyly sharýa qojalyǵynyń basshysy men qalalyq jumyspen qamtý ortalyǵy arasynda kelisimshart jasalyp, oǵan sáıkes fermer «Jumyspen qamtýdyń jol kartasy-2020» baǵdarlamasy aıasynda áleýmettik jumys oryndaryn ashýǵa tıis bolatyn. Kelisimshart talaptary boıynsha sharýa qojalyǵynyń esepshotyna bıýdjet qarjysy aýdaryldy. Alaıda, sharýa qojalyǵynyń basshysy 10 adammen kelisimshart jasasqanymen, olar fermerdiń qolastynda jumys istemeıtin bolyp shyqty. Osylaısha ol 1,8 mln teńge kólemindegi memleket qarjysyn talan-tarajǵa salǵan»,-dep habarlady Atyraý oblystyq MKD baspasóz qyzmeti.
Atyraý qalalyq №2 sotynyń sheshimimen sharýa qojalyǵynyń jetekshisi QR QK 189-baby («Ózine senip tapsyrylǵan bótenniń múlkin ıemdený nemese talan-tarajǵa salý») boıynsha kináli dep tanyldy. Ol shartty túrde 5 jylǵa sottaldy.
