Atyraýda byltyr 134 myńnan astam qylmys tirkeldi
ATYRAÝ. QazAqparat - 2017 jyly munaıly aımaqta 134 myńnan astam quqyq buzýshylyq anyqtalǵan, onyń 96 myńǵa jýyǵy jol qozǵalysy erejelerin saqtamaýǵa qatysty, dep habarlaıdy «QazAqparat» HAA tilshisi.
Atyraý oblystyq ishki ister departamenti jergilikti polıtsııa qyzmeti basshysynyń orynbasary Álibek Qaıyrov óńirlik kommýnatsııalar qyzmetinde ótken brıfıngte munaıly aımaqta qylmys sanynyń azaıǵanyn málimdedi. Oblys ortalyǵynyń ózinde jol kólik oqıǵalary 18,8, kóshe qylmystary 19,9 paıyzǵa tómendegen.
«Biraq bul tártipti bosańdatýǵa jol bermeıdi. Qazir 514 jeke quram jol patrýldik polıtsııa qyzmetkeri jumys isteıdi, olar 138 avtokólikpen qamtylǵan. Jaqynda taǵy da 45 kólik beriledi», - dedi Á.Qaıyrov.
Ótken jyly 338 mln teńgeden astam ákimshilik aıyppul salynǵan, onyń 54,6 paıyzy óndirilgen. Al 2 700 atyraýlyq tıisti tártipti saqtamaǵandyqtan júrgizýshi kýálikterinen aıyrylǵan.
