Atyraýda bylapyt sóılegen turǵynǵa aıyppul salyndy
ATYRAÝ. QazAqparat –Atyraýda bylapyt sóılep, polıtsııa qyzmetkerleriniń jumysyna kedergi keltirgen turǵynǵa 125 myń teńge aıyppul salyndy, dep habarlaıdy QazAqparat.
Atyraý qalasynyń turǵyny bylapyt sóılep, jábirlenýshiniń tynyshtyǵyn buzǵan. Sondaı-aq, polıtsııa qyzmetkerleriniń qyzmettik mindetin atqarýyna kedergi keltirgen.
«Atyraý qalasynyń mamandandyrylǵan ákimshilik sotynda QR Ákimshilik quqyqbuzýshylyq týraly Kodeksiniń 434-babynyń 1-bóligin jáne 478-babyn buzǵan azamat H.V.-ǵa qatysty ákimshilik is qaraldy. Іs materıaldaryna sáıkes, quqyq buzýshy 19 sáýir keshki saǵat 19:40 shamasynda Atyraý qalasyndaǵy Álipov kóshesinde azamatsha A.-ǵa bylapyt sóılep, qoǵamdyq tártipti jáne jábirlenýshiniń tynyshtyǵyn buzǵan. Sondaı-aq, polıtsııa qyzmetkerleriniń qyzmettik mindetin atqarýyna kedergi keltirgen» -dep habarlady oblystyq sottyń baspasóz qyzmeti.
Sotta quqyq buzýshy kinásin moıyndap, alkogoldik masań kúıde áreketine esep bermegenin aıtqan. Quqyq buzýshy sot qaýlysymen kináli dep tanylyp, oǵan 125 010 teńge mólsherinde aıyppul salyndy.
