Atyraýda burynǵy zaýyt aýmaǵyndaǵy qazandyq janynda maı qaldyǵy janyp jatyr
Búgin, 19 qańtarda órt týraly áleýmettik jeli qoldanýshylary foto, vıdeo júktegen. Onda burynǵy hımııa zaýytynyń mańynan qara tútin býdaqtap jatqany túsirilgen.
Oblystyq tótenshe jaǵdaılar departamentiniń qoǵammen baılanys tobynan málim etkendeı, jergilikti ýaqytpen saǵat 15:19-da órt týraly habar túsken.
«Atyraý qalasyndaǵy Z.Qabdolov kóshesinde ornalasqan burynǵy hımııa zaýytynyń aýmaǵynda tútin shyqqan. Órt sóndirýshiler shaqyrtý ornyna jetkende 2 rezervýar janynda maı qaldyǵy janyp jatqany anyqtaldy. Janý oshaǵynda shamamen 64 sharshy metr kóleminde maı qaldyǵy jınaqtalǵan», -dep habarlady departamenttiń qoǵammen baılanys tobynan.
Qazir órtti sóndirýge Atyraý oblystyq tótenshe jaǵdaılar departamentiniń 16 qyzmetkeri men 5 tehnıkasy tartylǵan.
Eske sala ketelik, buǵan deıin Atyraýlyq qutqarýshylar eki saǵatta 3 órtti sóndirgenin habarlaǵan edik.
Qoǵammen baılanys tobynyń aqparatyna qaraǵanda, 11 qańtarda 2 saǵattyń ishinde 3 órt deregi tirkelgen.
Órttiń úsheýi de Atyraý qalasynda bolǵan. Alǵashqy órt týraly habar saǵat 10:37-de túsken. Ekinshi órt saǵat 10:59-da tutanǵan.
Al, saǵat 11:56-da Juldyz shaǵyn aýdanyndaǵy turǵyn úıdiń biri órtengen. Jalyn turǵyn úıdiń jylytý qazandyǵy ornalasqan bólmesinen shyqqan dúmpýdiń saldarynan shyqqan. Órt kezinde úı turǵyndary – 5 eresek, 2 bala óz kúshimen qaýipsiz jerge shyqqan.