Atyraýda burynǵy toıhana tigin tsehyna aınaldy
ATYRAÝ. QazAqparat – Atyraýda burynǵy tigin tsehyna aınaldy, dep habarlaıdy QazAqparat.
Óńirlik kommýnıkatsııalar qyzmetiniń aqparatyna qaraǵanda, atyraýlyq kásipker Meıramgúl Imanǵalıeva meıramhanany tigin sheberhanasyna aınaldyrǵan. Ol bul iske úlken daıyndyqpen kelgen. Bala tárbıesimen úıde otyrǵan kezde «hanshaıym maqpaly» dep atalatyn matadan kórpe tigip úırengen. júrgen.
«Sol kezde quraq kórpe turǵyndardyń bárinde bolǵan joq. Men úıimde tapsyrys qabyldap, isimdi ulttyq naqyshtaǵy kórpe-tósekter tigýden bastadym» - deıdi Meıramgúl Imanǵalıeva.
Osylaı tájirıbe jınaǵan ismer 2016 jyly óz kásibin ashqan. Ulttyq úlgidegi qyz jasaýy men kıim-keshek, túrli buıymdardy sándep tigetin sheber otbasylyq isin keńeıtip, tapsyrys kólemin arttyrǵan.
«Ásirese, qyz jasaýyna tapsyrys kóp túsip, qyzmetkerler sany artqan soń shaǵyn tsehty keńeıtýdi oıdadyq. Naýryz aıynan beri Atyraý qalasynyń irgesindegi Kókarna aýylynda bos turǵan «Ajar» toıhanasyn jalǵa alyp, jumysymyzdy jandandyrdyq» - deıdi kásipker.
Qazir tigin tsehynda 25 adam jumys isteıdi. Oıý oıýǵa arnalǵan eki lazerli stanok alǵan. Aıyna 100-150 dana toptamaǵa tapsyrys túsedi. Kásipker tiginshilerdi tegin túski aspen qamtyp otyr. Sondaı-aq tiginshilerge 150 myń teńgege deıin jalaqy tóleıdi.
