Atyraýda burynǵy kolledj otqa orandy
ATYRAÝ. QazAqparat - Atyraýdaǵy burynǵy kolledjdiń ǵımaratynan órt shyqty, dep habarlaıdy QazAqparat tilshisi.
Kýágerdiń aıtýynsha,«Shalqyma» aıaldamasynda ornalasqan eki qabatty munaı jáne gaz kolledjiniń burynǵy ǵımaraty otqa oranǵan. Áleýmettik jelidegi taratylǵan beınejazbadaǵy eskertýge qaraǵanda, atalmysh kolledj osydan úsh jyl buryn apatty dep tanylyp, oqý orny basqa ǵımaratqa kóshirilgen.
«Eki qabatty kolledjdiń ǵımaratynyń tóbesi órtendi. Órttiń aýmaǵy 1600 sharshy metrdi quraıdy. Qaza tapqandar men zardap shekkender joq. Órtti aýyzdyqtaýǵa TJ departamentiniń bólimsheleri men erikti órt sóndirý qurylymdarynan barlyǵy 11 tehnıka men 48 órt sóndirýshi jumyldyryldy. Qyzyl jalyn saǵat 06.31-de tolyǵymen sóndirildi. Qazirgi tańda órttiń shyǵý sebepteri anyqtalýda» deıdi oblystyq tótenshe jaǵdaılar departamentiniń baspasóz ortalyǵy.
Foto: mygorod.kz
