Atyraýda búgin dúnıege kelgen sábıge Abaı esimi berildi
Óńirlik kommýnıkatsııalar qyzmetiniń málimetinshe, sábı Abaı búgin, 10 tamyzda tańǵy saǵat 6.40-ta jaryq dúnıe esigin ashqan. Salmaǵy – 3 keli, 565 gramm, al, boıy – 53 santımetr.
«Otaǵasymen aqyldasyp, qazaqtyń uly aqynynyń danalyǵyn, aqyl-oıyn bersin degen nıetpen tórtinshi perzentimizdiń esimin Abaı dep ataýdy uıǵardyq. Onyń ústine dárigerler 15 tamyzda bosanasyń degen edi. Biraq, sábıimiz búgin, 10 tamyzda Abaı kúni atalyp ótetin tańda ómirge kelip, esimin ózi tańdap alǵandaı boldy. Úıdiń úlkenderi de bizdiń tańdaýymyzdy qoldap otyr. Abaıdyń eki aǵasy men apasy bar», - deıdi 37 jastaǵy anasy Aqmaral Bádelova.
Atyraý oblystyq perınataldyq ortalyǵynyń ana men bala birlesken bólimshesiniń meńgerýshisi Nurlan Jubanyshevtyń aıtýynsha, 10 tamyz –Abaı kúni ortalyqta 5 ul, 5 qyz dúnıege kelgen.
«Sábılerdiń mundaı erekshe adamdardyń mereıtoıymen tuspa-tus dúnıege kelýi – erekshe oqıǵa. Bul balalardyń bolashaǵyna jaqsy áser etedi dep oılaımyn» deıdi Nurlan Jubanyshev.
