Atyraýda brondalǵan áskerı tehnıkany satpaq bolǵan turǵyn ustaldy
Oblystyq polıtsııa departamentiniń baspasóz qyzmetinen málim etkendeı, 35 jastaǵy er adam brondalǵan barlaý-sholǵynshy mashınasyn (BRDM-2) zańsyz satýǵa tyrysqan.
«Ekstremızmge qarsy is-qımyl basqarmasynyń qyzmetkerleri 12 sáýirde polıtsııaǵa túsken jedel aqparatty tekserip, jedel-izdestirý is-sharasyn júrgizdi. Tekserýdiń nátıjesinde 1986 jylǵy azamatqa tıesili áskerı tehnıka tabylyp, tárkilendi. Qazir atalǵan derekke qatysty QR Qylmystyq kodeksiniń 386-babynyń 1-bóligimen sotqa deıingi tergep-tekserý amaldary júrgizilip jatyr», -dep habarlady departamenttiń baspasóz qyzmeti.
Kúdiktige qatysty eshqaıda ketpeý týraly qolhat túrindegi bultartpaý sharasy tańdaldy.
Eske sala ketelik, buǵan deıin Atyraýda destrýktıvti dinı aǵym ókilinen tapansha tárkilengenin habarlaǵan bolatynbyz.
Aıta keteıik, budan buryn Aqtóbede áldebireý metall qabyldaý ornyna T-34 tankisin ótkizgenin jazǵan bolatynbyz.