Atyraýda brakonerlik úshin sottalǵandar kóshe tazalap júr
ATYRAÝ. QazAqparat – Atyraý oblysynda brakonerlik úshin sottalǵandar kóshe tazalap júr, júr dep habarlaıdy QazAqparat.
Atyraý oblystyq Qylmystyq-atqarý júıesi departamenti probatsııa qyzmeti bóliminiń ınspektory Jarqynaı Baqtııarovanyń aıtýynsha, Isataı aýdanyndaǵy Janbaı aýylynyń 14 turǵyny QR Qylmystyq Kodekstiń 339-babynyń 1-bóligimen (Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sottalǵan.
«Sot sottalǵandarǵa jazany óteý merzimi ishinde jyl saıyn júz saǵattan májbúrli eńbekke tartýmen ár túrli merzimge bas bostandyǵyn shekteýge úkim shyǵardy. Zańǵa sáıkes bas bostandyǵyn shekteýge sottalǵan adamnyń jazasy turǵylyqty jeri boıynsha qoǵamnan oqshaýlaýsyz óteledi. Májbúrli eńbekke tartýdy jergilikti atqarýshy organdar (ákimdikter) uıymdastyrady» -deıdi Jarqynaı Baqtııarova.
Qazir Janbaı aýylynyń 14 turǵyny kúnine 4 saǵat kóshe tazalaýǵa shyǵady.
Eske sala ketelik, budan buryn Atyraýda arasynda eks-sheneýnikter de bar sottalǵandar kóshe sypyryp júrgenin jazǵan bolatynbyz.
