Atyraýda brakoner sheneýnikter sottaldy
ATYRAÝ. QazAqparat - Atyraýda brakonerlikpen aınalysyp kelgen uıymdasqan qylmystyq toptyń músheleri sottaldy, dep habarlaıdy QazAqparat tilshisi.
Anyqtalǵandaı, qylmystyq toptyń quramynda balyq ınspektsııasynyń qyzmetkerleri men «Aqjaıyq» memlekettik tabıǵı rezervatynyń ınspektorlary bolǵan.
«Balyq aýlaý kooperatıviniń jumysshylarynan, balyq ınspektsııasynyń qyzmetkerleri men «Aqjaıyq» memlekettik tabıǵı rezervaty» RMM-nyń ınspektorlarynan quralǵan qylmystyq top quryqtaldy. Olar qarabalyqtardy zańsyz aýlaýmen jáne ony elden shyǵarýmen aınalysqan. Qylmystyq top túgeldeı sot aldynda jaýap berdi. Atalǵan fakti boıynsha 56 tulǵa sottaldy, onyń 47-si - balyqshy, 5 - qabyldaýshy, 4 - laýazymdy tulǵa», - dep habarlady oblystyq prokýratýranyń baspasóz qyzmetinen.
Málim bolǵandaı, aıyptalýshylarǵa 8-den 10 jylǵa deıin bas bostandyǵynan aıyrý jazasy taǵaıyndaldy.
