Atyraýda brakoner ınspektor ustaldy
ATYRAÝ. QazAqparat - Atyraýda oblystyq orman sharýashylyǵy jáne janýarlar álemi ınspektsııasynyń qyzmetkeri bekire tuqymdas balyqpen ustaldy, dep habarlady «QazAqparat» HAA tilshisi.
«Rybnık» baý-baqsha qoǵamyndaǵy «Bekire» operatsııasy barysynda Kýrılkıno aýylynda oblystyq orman sharýashylyǵy jáne janýarlar álemi ınspektsııasynyń ınspektory rýlde bolǵan «Hıýndaı Aktsent» markaly kólik ustaldy.
Tekserý barysynda salonnan jalpy salmaǵy 20 keli bekire tuqymdas balyq salynǵan polıetılen paket tabyldy. Fakti QR QK 339-baby boıynsha Biryńǵaı sot aldy tergeý tizilimine engizildi. Tergeý júrip jatyr», - dep habarlady óńirdiń ІІD baspasóz qyzmetinen.
