Atyraýda bozbalaǵa syra satqan dúkenniń lıtsenzııasy toqtatyldy
ATYRAÝ. QazAqparat – Atyraýda 21 jasqa tolmaǵan bozbalaǵa ishimdik satqan dúkenniń lıtsenzııasy toqtatyldy, dep habarlaıdy QazAqparat.
«Arnaıy zańnamaǵa sáıkes alkogoldi ishimdikterdi 21 jasqa tolmaǵan adamdarǵa satýǵa tyıym salynǵan. Іshimdik ónimderin satý zańdylyǵynyń saqtalýyna reıd júrgizgen polıtsııa qyzmetkerleri túngi saǵat 22:30 shamasynda Atyraý qalasyndaǵy Qulmanov kóshesinde ornalasqan azyq-túlik dúkeninde satýshynyń 21 jasqa tolmaǵan bozbalaǵa 3 bótelke syra ónimin satqanyn anyqtady. Dúkenshi syra satyp alýshynyń jasy 21-ge tolǵan-tolmaǵanyn bilý úshin qujatyn suramaǵan», - dep habarlady oblystyq Polıtsııa departamentiniń baspasóz qyzmetinen.
Dúken ıesine qatysty QR Ákimshilik quqyqbuzýshylyq týraly kodeksiniń 200-baby 1-bóligimen ákimshilik hattama toltyrylyp, sot sheshimimen 81 676 teńge kóleminde ákimshilik aıyppul salynǵan. Sondaı-aq, alkogol ónimin satýǵa berilgen lıtsenzııanyń qoldanylýy 1 (bir) aı merzimge toqtatyldy.
