Atyraýda «bomba qoıylǵan» mektepten jarylǵysh zat tabylǵan joq
Oblystyq polıtsııa departamentiniń baspasóz qyzmetinen málim etkendeı, Atyraý qalasyndaǵy №2 mekteptiń ǵımaratyn tekserý kezinde jarylys qurylǵylary tabylǵan joq.
«Qazir «mektepke bomba qoıyldy» dep jalǵan habar bergen adamdy anyqtaý jumystary júrgizilip jatyr. Terrorızm aktisi týraly kórineý jalǵan habar taratýshy QR Qylmystyq kodeksiniń 273-babymen qylmystyq jazaǵa tartylady», - dep habarlady departamenttiń baspasóz qyzmeti.
Al oblystyq bilim basqarmasy baspasóz qyzmetiniń dereginshe, atalǵan mektepte qajetti dezınfektsııalyq jumystar júrgiziledi.
«Oqýshylar Іnstagram áleýmettik jelisinde Atyraý qalasynda ornalasqan J. Nájimedenov atyndaǵy №2 mektepke qoıylǵan bomba týraly habarlama jarııalady. Osyǵan baılanysty polıtsııa men bilim bóliminiń qyzmetkerleri oqıǵa ornyna jedel jetip, 800 oqýshyny, 70 pedagog pen tehnıkalyq personaldy evakýatsııalandy. Mektep ákimshiligi balalardy evakýatsııalaý týraly aqparatty ata-analardyń chattaryna jedel taratýdy uıymdastyrdy. Muǵalimderdiń jedel is-áreketiniń nátıjesinde ata-analar balalaryn alyp ketti. Ekinshi jáne úshinshi aýysymda oqıtyn oqýshylar úshin oqý-tárbıe protsesi qashyqtan júrgiziledi. Quqyq qorǵaý organdary júrgizgen tekserý aıaqtalǵannan keıin mektepte qajetti dezınfektsııalyq jumystar atqarylady», - dep habarlady basqarmanyń baspasóz qyzmeti.
Eske sala ketelik, budan buryn Atyraýda «bomba qoıylǵan» mektepten 70 muǵalim men 800 oqýshy evakýatsııalanǵanyn habarlaǵan edik.
