Atyraýda «bomba qoıylǵan» mektepten 70 muǵalim men 800 oqýshy evakýatsııalandy
Oblystyq polıtsııa departamenti baspasóz qyzmetiniń málimetinshe, mektep dırektory búgin, 12 qazanda bilim ordasynda jarylys bolatyny týraly aqparat alǵan. Ol bul týraly polıtsııaǵa habar bergen.
«Búgin jergilikti ýaqytpen saǵat 8:20 shamasynda 102 operatoryna Atyraý qalasyndaǵy №2 mektep dırektory saǵat 10:00-de mektepte jarylys jasalatyny týraly aqparat alǵanyn habarlaǵan. Soǵan sáıkes polıtsııa qyzmetkerleri jedel áreket etip, atalǵan mektepten 800-ge jýyq oqýshy men 70 muǵalimdi evakýatsııalady. Qazir mektep ǵımaratyn tekserý jumystary júrgizilip jatyr», - dep habarlady departamenttiń baspasóz qyzmetinen.
Eske sala ketelik, budan buryn Atyraýda balalar tym kóp jep qoıǵan energetıkalyq qospasy bar untaq tekseriletinin habarlaǵan bolatynbyz. Oblystyq polıtsııa departamenti baspasóz qyzmetiniń málimetinshe, Atyraý qalasyna qarasty selolyq okrýgtiń birinde mektep oqýshylaryna energetıkalyq qospasy bar untaq satylǵany anyqtalǵan.
Vıdeodan alynǵan kadr
