Atyraýda bolǵan jan túrshigerlik jol apatynan úsh adam ajal qushty
ATYRAÝ. QazAqparat - Atyraýdaǵy kópirde bolǵan jan túrshigerlik jol apatynan úsh adam qaza tapty, dep habarlaıdy QazAqparat tilshisi.
«Jol apaty Atyraý qalasynda 25 qańtarǵa qaraǵan túnde bolǵan. Jaıyq ózeniniń ústine salynǵan kópirlerdiń birinde Lexus jáne VAZ avtomobılderi soqtyǵysyp qalǵan. Qutqarýshylar Jıgýlıdiń ishindegi adamdardy temir kesetin quraldardyń kómegimen shyǵaryp aldy. Oqıǵa ornynda úsh adam qaza tapty, al aman qalǵandar ártúrli jaraqattarmen aýrýhanaǵa jetkizildi», - dep málimdedi polıtsııa departamentiniń baspasóz qyzmeti.
Qazirgi kezde QR Qylmystyq kodeksiniń 345-babynyń («Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy») 3-bóligi («abaısyzda eki nemese odan da kóp adamnyń ólimine ákep soqqan is-áreket») boıynsha sotqa deıingi tergep-tekserý júrip jatyr.
Avtory: A. Sokolov
