Atyraýda bokstan V jastar oıyny bastaldy
ATYRAÝ. QazAqparat – Atyraýda Qazaqstannyń bokstan V jastar oıyny bastaldy, dep habarlaıdy QazAqparat.
Sporttyq shara ashylý saltanaty «Atyraý» sport kesheninde ótti. Oǵan oblys ákiminiń orynbasary Baqytgúl Hamenova oblystyq boks federatsııasynyń prezıdenti Shýhrat Danbaı, QR eńbegi sińgen sport sheberlerleri qatysty.
«Táýelsizdik jyldarynan beri sportshylarymyzdyń sporttyń ár túrinen baıraqty básekelerde top jaryp, el abyroıyn asqaqtatyp júrgenine kýá bolyp kelemiz. Egemen Qazaqstanymyzdyń rýhy bıik, erik-jigeri myqty, deni saý jas urpaǵyn tárbıeleýde mundaı sporttyq sharanyń mańyzy zor», - dedi Baqytgúl Hamenova.
Tórt jylda bir ótetin sporttyq saıysta 11 salmaqta 400-ge jýyq jas bylǵary qolǵap sheberi baq synaýda. Aqtyq syndar 23 mamyrda ótedi.
Eske sala ketelik, buǵan deıin Atyraýda táýelsizdiktiń 30 jyldyǵyna oraı «Túıe palýandar» anyqtalǵan edi.
