Atyraýda bokstan halyqaralyq týrnır bastaldy
ATYRAÝ. QazAqparat - Búgin Atyraý qalasyndaǵy bokstan eresekter arasynda H halyqaralyq týrnır bastaldy, dep habarlaıdy QazAqparat.
Halyqaralyq deńgeıdegi shara Isataı Taımanov pen Mahambet Ótemisulynyń rýhyna arnalyp uıymdastyrylyp jatyr.
Dástúrli týrnırge bıyl Iran, Reseı, Ózbekstan, Qyrǵyzstan, Ázerbaıjan, Monǵolııa jáne Qazaqstan memleketterinen 100-ge jýyq bylǵary qolǵap sheberleri qatysýda. Atalmysh týrnır «A» sanatyndaǵy, AIBA (Halyqaralyq áýesqoı boks assotsıatsııasy) kúntizbesine engen Azııa qurlyǵyndaǵy mańyzdy sporttyq shara.
«Halyqaralyq Isataı Taımanuly men Mahambet Ótemisulynyń rýhyna arnalǵan týrnırdiń basty maqsaty -- áýesqoı boksty damytý jáne nasıhattaý. Onymen qosa, ultymyzdyń batyrlary Isataı men Mahambet atyn alys shetelderge tanystyrý», - deıdi Boks federatsııasynyń vıtse-prezıdenti Sársenbaı Torǵaev.
Týrnırdiń irikteý saıystary sáýirdiń 27, 28, 29 kúnderi, al sheshýshi fınaldyq básekeler 30 sáýir kúni bastalady. Bul dodada Atyraýdyń namysyn 15 bylǵary qolǵap sheberleri qorǵaıdy.
Avtory: Abaı AQMURZIEV
