Atyraýda blokpostan ótý úshin para bergen áıel aıyppul tóleıtin boldy

NUR-SULTAN. QazAqparat – Atyraý qalasynda blokpostan ótý úshin para bergen turǵyn sottaldy. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıǵaıdarov aıtyp berdi, dep habarlaıdy QazAqparat.

«Atyraý oblysyndaǵy Sybaılas jemqorlyqqa qarsy qyzmet A.Saǵıevaǵa qatysty sotqa deıingi tergeýdi aıaqtady. A. Saǵıeva Atyraý oblysy ákimdiginiń jumyldyrý daıyndyǵy jáne azamattyq qorǵanys basqarmasy bóliminiń basshylyǵyna para berý kúdigine ilindi», - dedi D. Bıǵaıdarov Facebook paraqshasynda ótken onlaın brıfıngte.

2020 jyldyń 19 maýsymynda Atyraý qalasy №2 sotynyń úkimimen A. Saǵıeva memlekettik qyzmette laýazym atqarý quqyǵynan ómir boıyna aırylyldy jáne 112 myń teńge somasynda aıyppul tóleýge mindetteldi.