Atyraýda «Biz birgemiz! Nur Otan» aktsııasynda 35 mln teńge jınaldy

ATYRAÝ. QazAqparat – Atyraýda «Biz birgemiz! Nur Otan» aktsııasynda 35 mln teńge jınaldy, dep habarlaıdy QazAqparat.

Atyraý qalasynyń kásipkerleri «Biz birgemiz! Nur Otan» respýblıkalyq aktsııasyna belsendi qatysýda. Bir kúnniń ishinde arnaıy qorǵa 35 mıllıon teńge aýdarylǵan . Sonyń ishinde 13 mıllıon teńge qordyń esepshotyna tústi.

«Aqtsııanyń maqsaty – halyqty eń mańyzdy áleýmettik azyq-túlikpen, antıseptıkalyq quraldarmen jáne medıtsınalyq maskamen qamtý. Mundaı kómekti birinshi kezekte jalǵyzbasty qarııalar, turmysy tómen otbasylar men múmkindigi shekteýli jandar alady. Qazir 500- den asa azyq-túlik jıyntyǵy daıyn tur. Osyndaı kómekti 100 adam alyp úlgerdi» -deıdi Atyraý qalasynyń ákimi Qaırat Orazbaev.

Onyń aıtýynsha, aktsııaǵa shaǵyn jáne orta bıznes ókilderimen birge qarapaıym turǵyndar da úles qosyp, belsendilik tanytyp otyr.