Atyraýda bıylǵy 4 aıda júzge tarta áıelge ekstrakorporaldy uryqtandyrý jasaldy
Oblystyq densaýlyq saqtaý basqarmasynyń basshysy Ashan Baıdýálıevtiń málimetinshe, qazir bedeýlik kóbeıip, erli-zaıyptylardyń jalpy popýlıatsııasy 15-ten 18%-ǵa deıin artqan.
«Osy sebepten, bala súıýdi arttyrý úshin ekstrakorporaldy uryqtandyrý tásili qoldanylady. Bul baǵyttaǵy kvotany erli-zaıyptylar da, resmı nekede turmaǵan erli-zaıyptylar da alýǵa bolady. Patsıentterdiń jasy 18-den 42-ge deıin, elimizde turaqty tirkeýde bolýy kerek. Oblysta bıylǵy 4 aıda EKU úshin 117 áıel komıssııadan ótti. Onyń ishinde 98 áıelge EKU jasaldy. Qazir 9 áıel atalǵan tásilmen bala kóterdi», -dedi Ashan Baıdýálıev áıelder isteri jáne otbasylyq-demografııalyq saıasat jónindegi komıssııanyń kezekti otyrysynda.
Eske sala ketelik, budan buryn Atyraýda 52 jastaǵy áıel tuńǵysh sábıin bosanǵanyn habarlaǵan edik.
