Atyraýda birneshe úıge urlyqqa túsken eki kúdikti qamaýǵa alyndy
Oblystyq polıtsııa departamenti baspasóz qyzmetiniń málimetinshe, Atyraý qalasynda ustalǵan qylmystyq toptyń quramynda 29 jáne 23 jastaǵy eki kúdikti bolǵan.
«Aldyn ala sóz baılasqan eki kúdikti 13 qazanda saǵat 15:00 shamasynda «Órken» shaǵyn aýdanyndaǵy úılerdiń birine syrtqy plastıkalyq terezesin yǵystyrý arqyly kirgen. Sóıtip, 1984 jylǵy azamatshanyń ishigin, baǵaly qol saǵatyn, sporttyq aıaq kıim men «Samsýng» markaly uıaly telefonyn urlaǵan» -dep habarlady departamenttiń baspasóz qyzmeti.
Kúdiktiler urlyq jasaǵan úıden boı tasalap, qashyp ketken. Urlyqtan saldarynan jábirlenýshige 535 myń teńge materıaldyq shyǵyn keltirilgen.
«Eki kúdikti budan soń 18 qazan kúni saǵat 13:30 shamasynda «Órken» shaǵyn aýdanyndaǵy taǵy bir úıge plastıkalyq terezesi arqyly kirip, urlyqqa túsken. Bul joly 37 jastaǵy áıeldiń úıinen «Samsýng» markaly teledıdaryn, ıýtýb kanalyn jalǵaýǵa arnalǵan jabdyqty, qundyz terisinen tigilgen ishikti, baǵaly kúrteshe men smart-saǵatty urlap, oqıǵa ornynan boı tasalaǵan. Jábirlenýshige materıaldyq keltirilgen shyǵyn – 605 myń teńge» -dep málim etti departamenttiń baspasóz qyzmetinen.
Polıtsııa qyzmetkerleri urlyq deregine baılanysty jedel izdestirý sharalaryn júrgizip, eki kúdiktini ustaldy. Kúdiktilerden aıǵaq zattar tárkilenip, tergeý ızolıatoryna qamaýǵa alyndy.
«Eki kúdiktiniń buryn urlyq, tonaý, qaraqshylyq qylmystarymen sotty bolǵany belgili boldy. Qazir kúdiktilerge qatysty QR Qylmystyq kodeksiniń 188-babynyń 2 jáne 3-bóligimen qylmystyq is qozǵalyp, sotqa deıingi tergeý júrgizilip jatyr. Kúdiktilerdiń basqa qylmystarǵa qatysy anyqtalýda» -dep pikir bildirdi baspasóz qyzmetinen.
Eske sala ketelik, budan buryn Atyraýda 24 jastaǵy jigit bireýdiń kóligin aıdap ketkenin jazǵan bolatynbyz.