Atyraýda birneshe mekteptiń oqýshylary jóndeý jumysyna baılanysty ózge bilim ordasynda oqıdy
ATYRAÝ. QazAqparat – Atyraý qalasynda birneshe mekteptiń oqýshylary ózge bilim ordasynda oqıdy, dep habarlaıdy QazAqparat tilshisi.
Atyraý qalalyq bilim bóliminiń asshysy Aınagúl Dúısekenovanyń málimetinshe, 5 mektepte jóndeý jumystary júrgizilýine baılanysty oqýshylardy ózge bilim ordalarynda oqytý kózdelip otyr.
«Máselen, №27 mekteptiń bastaýysh synyp oqýshylary qosymsha salynǵan ǵımaratta, al joǵary synyptyń oqýshylary №22 jáne 24-mektepte oqıtyn bolady. Q.Satpaev atyndaǵy №19 mektep-gımnazııasynyń oqýshylary úshin qosalqy nysan tabý máselesi qarastyrylyp jatyr. Bıylǵy aqpanda tóbesinen sý aǵýyna baılanysty jabylǵan №30 mektep-gımnazııasynyń shákirtteri úshin tórt bilim ordasy tańdalyp otyr. Bul – energetıka jáne kólik-kommýnıkatsııalyq kolledjderi, «Bilim-Innovatsııa» lıtseı-ınternaty men №3 orta mektep. Al, №22 jáne 31-mekteptegi jóndeý jumystary qyrkúıekte aıaqtalady», -dep habarlady Aınagúl Dúısekenova.
Onyń aıtýynsha, keshendi tekserýden keıin úsh bilim ordasynyń ǵımaraty apatty jaǵdaıda ekeni anyqtalǵan. Bul – Y.Altynsarın, S.Muqanov jáne M.Lomonosov atyndaǵy mektepter.
«Sol sebepten, Y.Altynsarın atyndaǵy mekteptiń oqýshylary Ǵ.Músirepov jáne J.Nájimedenov atyndaǵy bilim ordalaryna oqýǵa aýystyrylady. S.Muqanov atyndaǵy mekteptiń shákirtteri №34 mektep pen ulttyq gımnazııanyń ǵımarattaryna oqýǵa barady. Al, M.Lomonosov atyndaǵy bilim ordasynyń oqýshylary dáristi M.Bekmuhambetov, Á.Jangeldın jáne M.Móńkeulynyń esimi berilgen bilim ordalarynda alady», -dep málim etti Aınagúl Dúısekenova.
Jóndeý jumysy aıaqtalmaǵan D.Baıbosynov atyndaǵy №13 mektep-gımnazııasynyń dırektory Dosjan Bolatbekulynyń aıtýynsha, oqýshylar ózge bilim ordasyna ýaqytsha aýystyrylady.
«Qazir ata-analarǵa túsindirý jumysy júrgizilip jatyr. Bizdiń oqýshylar birinshi toqsanda Sh.Ýálıhanov atyndaǵy №9 orta mektepte oqıtyn bolady. Sabaqty úshinshi aýysymda oqıdy. Bul árıne, ýaqytsha týyndaǵan qajettilik. Mekteptegi jóndeý jumystaryn 30 qyrkúıekte aıaqtaý josparlanyp otyr», -dep habarlady Dosjan Bolatbekuly.
Eske sala ketelik, budan buryn Atyraý oblysynda 6 mekteptegi jóndeý jumysy jyl sońyna deıin jalǵasatynyn jazǵan edik.
https://kaz.inform.kz/news/atyrau-oblysynda-6-mekteptegi-zhondeu-zhumysy-zhyl-sonyna-deyin-zhalgasady_a4099654
