Atyraýda birqatar laýazymdy tulǵalar sottaldy

ATYRAÝ. QazAqparat – Atyraýda birqatar laýazymdy tulǵalarǵa qatysty tergeý aıaqtaldy. Bul týraly QazAqparat Sybaılas jemqorlyqqa qarsy qyzmetke silteme jasap habarlaıdy.

«Oblys ákiminiń burynǵy orynbasary N.Saılaýovaǵa, oblystyq bilim berý basqarmasynyń basshysy K.Kenjeǵalıevke jáne onyń orynbasary R.Qabdýlovaǵa, «N.Tlendıev atyndaǵy oblystyq daryndy balalarǵa arnalǵan ınternattyq mekemesi bar kishi óner akademııasy» MM-niń bas esepshisi N.Majıtovaǵa, «Oblystyq bilim berý basqarmasynyń ádistemelik ortalyǵy» QMQK-niń basshysy G.Kabekenovke jáne QMQK-niń bas esepshisi K.Imanǵazıevaǵa, «Geolog Qazaqstan» saýyqtyrý pansıonaty QMQK-niń bas esepshisi K.Jamelovaǵa jáne onyń onyń kómekshisi B.Zabenovke qatysty tergeý aıaqtaldy», - delingen habarlamada

Olar bıýdjetten bólingen 118 mln teńgeni jymqyryp, sondaı-aq taýarlardy jetkizý kelisimsharttaryn jasaýǵa, attestattan ótýge jáne UBT tapsyrýǵa járdemdeskeni, aqshalaı syıaqymen kótermelenetin úmitkerlerdiń tizimine eńgizgeni úshin iri kólemde para aldy degen kúdikke ilingen.

2020 jyldyń 06 aqpanynda Atyraý qalalyq №2 sotymen sottaldy:

- N.Saılaýova bıýdjet qarjysyn jymqyrǵany, laýazymyn asyra paıdalanǵany, para alǵany úshin 2 jylǵa bas bostandyǵynan aıyryldy, sondaı-aq «Qurmet» Ordeni memlekettik nagradasynan aıyrýǵa usynys engizildi.

- K.Kenjeǵalıev bıýdjet qarjysyn jymqyrǵany, laýazymyn asyra paıdalanǵany, para alǵany úshin 2 jylǵa bas bostandyǵynan shekteldi.

- R.Kabdýlova bıýdjet qarjysyn jymqyrǵany, para alǵany jáne alaıaqtyq jasaǵany úshin 4 jylǵa bas bostandyǵynan aıyryldy.

- N.Majıtova bıýdjet qarjysyn jymqyrǵany jáne alaıaqtyq jasaǵany úshin 3 jylǵa bas bostandyǵynan aıyryldy.

- G.Qabıkenov bıýdjet qarjysyn jymqyrǵany jáne alaıaqtyq jasaǵany úshin 3 jylǵa bas bostandyǵynan aıyryldy.

- K.Imangazıeva, K.Jalelova, B.Zabenov bıýdjet qarjysyn jymqyrǵany úshin 4 jyl 6 aıǵa bas bostandyǵynan shekteý.

Barlyq sottalýshy tulǵalar ómir boıyna memlekettik qyzmette laýazym ıelený quqyǵynan aıyryldy.